Ռենտգենյան ճառագայթների միջոցով լուսավորելով բելգիացի սյուրռեալիստ նկարիչ Ռենե Մարգրիտի «Դիմանկար» նկարը՝ հետազոտողները պարզել են, որ այն նկարված է կտավի վրա, որի վրա ավելի վաղ եղել են նկարչի կորած «Գրավիչ դիրք» աշխատանքի ֆրագմենտներ, հայտնում են ԶԼՄ-ները:
Հայտնագործման հեղինակները Անտվերպենի համալսարանի հետազոտողներն են ու նրանց ամերիկացի գործընկերները:
Պարզվում է, որ ի սկզբանե կտավի վրա նկարվել է գլուխ ու կանացի իրան. դա «Գրավիչ դիրք» նկարի մաս է, որը Մարգրիտը նկարել է 1927թ. Պիկասոյի ազդեցությամբ: Այն այնուհետ անհետացել էր:
Նկարիչն ըստ երևույթին դժգոհ է մնացել նկարից ու դրա մասերից և կտավի որոշ հատվածների վրա նոր նկար է նկարել:
Պահպանվել էր միայն «Գրավիչ դիրքի» լուսանկարը, որի վրա պատկերված են երկու միանման նյու-կանայք՝ խոշոր աչքերով, քթերով ու ականջներով:
