Վաշինգտոնը չի կարող վտանգի ենթարկել իր՝ հուսալի փոխառուի հեղինակությունը: ITAR-TASS-ի փոխանցմամբ՝ այս մասին լրագրողների հետ հանդիպմանը ասել է ԱՄՆ ֆինանսների նախարարության ներկայացուցիչը:
Քննարկման թեման էր ԱՄՆ ֆինանսների նախարար Ջեյկոբ Լյուի մասնակցությունը ԱՄՀ և Համաշխարհային բանկի տարեկան ժողովին և դրանից հետևող միջոցառումներին՝ ներառյալ «մեծ քսանյակի» ֆինանսիստների հանդիպումը: Համոզմունք է արտահայտվում, որ նախատեսվող հանդիպման հիմնական թեման կլինի ԱՄՆ ֆինանսական-բյուջետային ճգնաժամը:
«Ներդրողները մեր երկիր են գալիս հանուն իրենց անվտանգության: Մեր երկրի հեղինակությունը հիմնվում է հուսալիությամբ ապահովելու վճռականության և ԱՄՆ կառավարության վարկունակության վրա: Այդ վճռականությունը պետք է պահպանվի նաև ապագայում:
Մենք չենք կարող դառնալ այնպիսի երկիր, որտեղ մշտապես խոսվում է դեֆոլտի սպառնալիքի մասին՝ վնասելով ԱՄՆ-ի հեղինակությունը»,- ասել է ֆինանսների նախարարության ներկայացուցիչը, ով խնդրել է չբարձրաձայնել իր անունը:
