Լիտվայում Առաջին Բալթյան ալիքը (ԱԲԱ) վերահեռարձակող Baltic Media Alliance ընկերության ղեկավարությունը ներողություն է խնդրել 1991-ի հունվարի 13-ի իրադարձություններին նվիրված ծրագրի համար:
Ընկերության ղեկավար Յոլանտա Բուտկյավիչենը նշել է, որ հաղորդումը հեռարձակվել է իր արձակուրդի ժամանակ:
«Որպես ղեկավար՝ ինձ համար էլ դա լուրջ մարտահրավեր էր, որը ես գնահատում եմ որպես սադրանք: Այդ պատճառով ես դադարեցրել եմ արձակուրդը և շտապ վերադարձել եմ Լիտվա»,- ասել է նա:
Բուտկյավիչենը նշել է, որ ամեն ինչ կանի, որպեսզի բացահայտվի, թե ինչու է նման բովանդակությամբ հաղորդումը հայտնվել եթերում:
ԱԲԱ-ն 1991-ի հունվարի իրադարձությունների վերաբերյալ հաղորդում չի պատրաստել, այլ այն ստացել է ռուսական Առաջին ալիքից և դիտելու ու այնտեղի կարծիքների հետ ծանոթանալու հնարավորություն չի ունեցել:
Ավելի վաղ տեղեկացվում էր, որ այդ հաղորդման մեջ հարցազրույց է եղել Վիլնյուսի հեռուստակայանի վրա հարձակված «Ալֆա» խմբի ղեկավար Միխայիլ Գոլովատովի և մյուս մասնակիցների հետ, ովքեր հերքել են, որ այն ժամանակ զինվորականների հարձակում է տեղի ունեցել:
1991 թ. հունվարի 13-ին խորհրդային բանակը փորձել է տեղակայվել Վիլնյուսի հեռուստակայանում: Այդ գործողության ընթացքում զոհվել է 14 և տուժել ավելի քան 1000 անզեն մարդ:
