Zippo ընկերության էջը փոխել է Facebook-ի իր շապիկի նկարը՝ տեղադրելով Կրեմլում Օլիմպիական ջահի հետ տեղի ունեցած դեպքի լուսանկարը, երբ Շավարշ Կարապետյանի ձեռքում մարած կրակը փորձել էին վառել Պահպանության դաշնային ծառայության աշխատակիցները:
«Մենք վերականգնել ենք աշխարհում կարգուկանոնը ու փրկել Սոչիի Օլիմպիական խաղերը: Սեղմեք, որպեսզի տեսնեք, թե ինչպես է Պահպանության դաշնային ծառայության աշխատակիցը վառում օլիմպիական կրակը Zippo կրակայրիչով»,- ասվում է սոցցանցում Zippo խմբի էջում:
Ինչպես Gazeta.ru-ին պատմել է Շավարշ Կարապետյանը, դրանից հետո ժամանակավոր կրակը մարել են, ու այն վառել իսկական օլիմպիական կրակով:
