Ներկայացնում ենք «Առավոտ» օրաթերթի գլխավոր խմբագիր Արամ Աբրահամյանի խմբագրականը:
Ընդդիմադիր պատգամավոր Անի Զախարյանը ՄԱԿ-ի Անվտանգության խորհրդի ամբիոնից հարց է հղել ՀՀ նախագահ Արմեն Աշոտյանին՝ ճի՞շտ Է արդյոք, որ նախագահի կինը 10ОО դոլարանոց շամպուն Է օգտագործում: Պարոն Աշոտյանը պատրաստակամություն է հայտնել այդ շամպունի ուղիղ կեսը լցնել առանձին սրվակի մեջ և փոխանցել տիկին Զախարյանին: ՀՀԿ խմբակցության ղեկավար Կարեն Ավագյանը այդ հարցը որակեց որպես ազգային շահերի դավաճանություն և ադրբեջանական սադրանք:
Իսկ ընդդիմադիր պատգամավորը, ժամանելով «Զվարթնոց» օդանավակայան, հայտարարեց, որ կարողացել Է միջազգային բարձր ամբիոնից հնչեցնել ՀՀ քաղաքացիներին հուզող ամենակարևոր հարցը, և իշխանափոխությունը Հայաստանում սկսվելու է շամպունից:
ՀՀ նախագահի հրամանագրով նախկին պատգամավոր, ՀՅԴ Բյուրոյի անդամ Արծվիկ Մինասյանը նշանակվել է Հայաստանի ոստիկանապետ: Լրագրողների հետ հանդիպման ժամանակ պարոն Մինասյանը հավաստիացրել է, որ Դաշնակցությունը մնալու է ընդդիմադիր կուսակցություն, և իր նոր պաշտոնում նա շարունակելու է հետամուտ լինել Հայ Դատի խնդիրներին:
ԵԽԽՎ նախագահ Ջոն Պրեսկոտը և Բելառուսի նախկին նախագահ Ալեքսանդր Լուկաշենկոն, ժամանելով Հայաստան, այցելել են «Նուբարաշեն» քրեակատարողական հիմնարկ և տեսակցել Տիգրան Սարգսյանի կառավարության անդամների հետ, որոնք 7-10 տարի ազատազրկման են դատապարտված՝ պետության համար ոչ շահավետ պայմանագրեր կնքելու համար: Պարոն Լուկաշենկոն նշեց, որ նախկին նախարարները եվրոպական տեսանկյունից դիտարկվում են որպես քաղբանտարկյալ, և հորդորեց Հայաստանի իշխանություններին նրանց ազատ արձակել՝ ավելացնելով, որ դրանից են կախված մեր երկրի եվրաինտեգրման հեռանկարները:
Ազգային ժողովի նախագահ Հովհաննես Սահակյանը ՀՀ մարդու իրավունքների պաշտպանի պաշտոնում առաջարկել է Սյունիքի նախկին մարզպետ Սուրիկ Խաչատրյանին՝ հատուկ շեշտելով, որ օմբուդսմենի թեկնածուն իր ողջ գիտակցական կյանքի ընթացքում պայքարում Էր բռնությունների, կամայականությունների և անպատժելիության մթնոլորտի դեմ: Իր եզրափակիչ ճառում պարոն Խաչատրյանը չհերքեց, որ իր նախորդ գործունեության ընթացբում ստիպված էր սպանել ՀՀ մի քանի քաղաքացու, սակայն դա արել է զուտ ինքնապաշտպանական նկատառումներից ելնելով, ինչի մասին ունի զինդատախազ Գևորգ Կոստանյանի համապատասխան տեղեկանքները: Ընդդիմադիր խմբակցությունները հայտարարեցին, որ դեմ են քվեարկելու Խաչատրյանի թեկնածությանը: Արդյունքում փակ գաղտնի քվեարկությամբ Սյունիքի նախկին մարզպետը օմբուդսմեն է ընտրվել միաձայն:
