Ես դեմ եմ, որպեսզի որևիցե այլ երկրի քաղաքացի, կամ քաղաքական գործիչ միջամտի, կամ որևիցե մի ձևով փորձի մեր որոշումների վրա ազդել: Այդ մասին «Առաջին լրատվականի»-ի հետ զրույցում ասաց ԱԺ ՀՅԴ խմբակցության պատգամավոր Անդրանիկ Կարապետյանը՝ անդրադառնալով Պետդումայի ԱՊՀ, եվրասիական ինտեգրման և հայրենակիցների հետ կապերի գծով կոմիտեի նախագահ Լեոնիդ Կալաշնիկովի այն հայտարարությանը, որ եթե Հայաստանում ընթացք տրվի «Ելք»-ի՝ փողոցների անվանափոխման նախաձեռնությանը՝ Մոսկվան ստիպված կլինի պատասխան քայլերի մասին մտածել: Նա ընդգծել էր, որ փողոցների անվանափոխությունը թշնամական գործողություն է:
«Ես չեմ կարծում, որ նա պետության դիրքորոշումն է հայտնել: Փողոցների անվանափոխությունը թշնամական գործողություն չէ: Մենք բարեկամական երկրներ ենք, ռազմական դաշնակից երկրներ ենք»,- շեշտեց նա:
Անդրադառնալով հարցին՝ արդյո՞ք ինքը կողմնակից է, որպեսզի Երևանի մի շարք փողոցներ անվանակոչվեն, և ինչպես է վերաբերվում նրան, որ Երևանի ավագանու կրթության, մշակույթի և սոցիալական հարցերի մշտական հանձնաժողովը մեծամասնությամբ դեմ է քվեարկել նախագծին, Անդրանիկ Կարապետյանն ասաց.
«Որոշ չափով կողմ եմ, որոշ չափով՝ ոչ. դա մեր սեփական պատմությունն է, հարգել է պետք, սենց միանգամից հրաժարվել չի կարելի»:
Պատգամավորը կարծում է, որ այս հարցով պետք է հանրային լսում իրականացվի:
Մանրամասները՝ տեսանյութում։
