Ատոմային էներգիայի միջազգային գործակալությունը Հյուսիսային Կորեայից եկող սպառնալիքը համարում է ոչ թե տարածաշրջանային, այլ գլոբալ։ Այս մասին հայտարարել է կազմակերպության գլխավոր տնօրեն Յուկիա Ամանոն։
«Մենք կարծում ենք, որ դա գլոբալ սպառնալիք է»,-ասել է նա՝ ելույթ ունենալով սլովենական Բլեդ քաղաքում անցկացված ռազմավարական ֆորումի ժամանակ։ Ամանոն պարզաբանել է, որ նախկինում համարվել է, որ Փխենյանը սպառնում է միայն Ասիախաղաղօվիանոսյան տարածաշրջանին։
Նրա խոսքով՝ ԱԷՄԳ-ն շարունակում է իրավիճակի մոնիտորինգը Հյուսիսային Կորեայում՝ չնայած այն բանին, որ 2009 թվականին կազմակերպության տեսուչներին արգելվել է աշխատել այդ երկրում։
