Այսօր «Մեդիամաքս» գործակալությանը տված հարցազրույցում Ռոբերտ Քոչարյանի գրասենյակի ղեկավար Վիկտոր Սողոմոնյանը նշել է, իր խոսքերով, հանրահայտ մի փաստ, որ 1998-2007թթ., այն է՝ Քոչարյանի օրոք, Հայաստանի Հանրապետությունում ոչ մի քաղբանտարկյալ չի եղել։ Այս հայտարարությանը անդրադառնալով՝ ազատամարտիկ, ՀԱԿ-անդամ և Քոչարյանի օրոք քաղաքական հայացքների համար ազատազրկված Վարդան Մալխասյանը խորհուրդ է տալիս ուշադրություն չդարձնել Քոչարյանի կողմից արված հայտարարություններին։
«Նրա ասածները նույնն են, ինչ թշնամու ասածը, նա ատում է հայ ժողովրդին, ինչպես ժողովուրդն է ատում նրան։ Նա է մեղավորը այս ամենի։ Հենց Քոչարյանի իշխանության տարիներին խախտվեց սահմանադրական կարգը»,- ասում է Վարդան Մալխասյանը և ապացուցելու համար հիշեցնում միայն ազատամարտիկ Պողոս Պողոսյանի սպանությունը՝ Քոչարյանի թիկնապահի կողմից և վերջինիս անպատիժ մնալը։
Վարդան Մալխասյանը կասկած չունի, որ վաղ թե ուշ իշխանափոխություն տեղի կունենա, կվերականգնվի արդարադատությունը, և Քոչարյանը կկանգնի դատարանի առջև։
