ԱՄՆ նախկին նախագահ Բարաք Օբամայի պահման ծախսերը ամերիկացի հարկատուներին 2018-ին կարժենան 1,15 մլն դոլար: Այս մասին հայտնում է Washington Free Beacon-ը՝ վկայակոչելով Կոնգրեսի Հետազոտական ծառայության զեկույցը:
Դեռևս անցյալ դարի 50-ական թվականներին Միացյալ Նահանգներում ընդունվել է օրենք, ըստ որի՝ նախկին նախագահների պահման ծախսերը փաստացի հոգում է պետությունը: Նրանք ստանում են նախարարների աշխատավարձի չափ թոշակ, նրանց կանանց համար նույնպես դուրս են գրվում գումարներ:
Զեկույցի համաձայն՝ Օբաման որպես թոշակ կստանա 236 հազար դոլար, իսկ Վաշինգտոնում նրա գրասենյակի վարձը բյուջեին կարժենա 536 հազար դոլար: Ընդհանուր առմամբ $1,15 մլն կարժենա նրա բժշկական ապահովագրությունը: Բյուջեից աշխատավարձ կստանան նաև նախկին նախագահի օգնականները, որոնք աշխատում են նրա գրասենյակում:
Ինչպես սպասվում է, 2018-ին Օբամայի պահման ծախսերը կգերազանցեն ԱՄՆ բոլոր նախկին նախագահների (որոնք ներկայում ապրում են) համար նախատեսված բյուջեն: Այսպես. Ջորջ Բուշ Կրտսերի համար ծախսվում է 100 հազար դոլար քիչ, իսկ Բիլ Քլինթոնի պահման ծախսերը 200 հազար դոլարով են նվազ:
