Հոկտեմբերի 22-ին վաճառքի կհանվի Microsoft Surface 2 պլանշետը` NVIDIA Tegra 4 նորագույն պրոցեսորով, Full HD դիսփլեյով: Պլանշետի պատյանը պատրաստված է մագնեզիումի ձուլվածքից, իսկ դրա հաստությունը և կշիռը զգալիորեն նվազել է, հաղորդում է rbc.style.ru-ն:
Surface 2-ով կարելի է աշխատել փաստաթղթերի հետ, ինչպես սեղանի համակարգչի վրա, բացի այդ՝ SkyDrive-ում 200 գբ հիշողությունը թույլ է տալիս պահել ցանկացած ֆայլեր:
Mebius Pad պլանշետը, որի շնորհանդեսը վերջերս կայացել է Ճապոնիայում, աշխատում է Windows 8 օպերացիոն համակարգով, 10.1 դյույմանոց դիսփլեյն ունի 2560 x 1600 պիքսել թողունակություն: Դիսփլեյն արտադրվել է Sharp-ի տեխնոլոգիայով: Այն ունի Intel Atom Bay Trail պրոցեսոր: Սարքի վրա կարող է տեղադրվել ինչպես Windows RT, այնպես էլ Windows Pro: Եվ սա դեռ ամենը չէ. Mebius Pad-ը նաև ջրակայուն է:
Սեպտեմբերին ներկայացված IFA-ն կորեական LG ընկերության առաջին պլանշետն է, որն այսօրվա դրությամբ ամենաառաջատար սարքն է, որն աշխատում է Android համակարգով: Այն ունի Full HD IPS դիսփլեյ, բարակ և թեթև պատյան և G Pad հզոր մարտկոց, որը գերազանցում է ինչպես Nexus 7-ին, այնպես էլ iPad mini-ին:
Ավելի հզոր պրոցեսորով և դիսփլեյով iPad mini-ի հաջորդ տարբերակի մասին դեռևս չի հայտարարվել, սակայն լուրերը պնդում են, որ այն շուտով կցուցադրվի: Համենայնդեպս արդեն արտադրվում են նոր դիսփլեյներ iPad mini-ի համար՝ 2048х1536 էկրանով: Նոր iPad mini-ում ակնկալվում է A6 պրոցեսոր: Այլ նորարարությունների մասին դեռևս ոչինչ հայտնի չէ:
