Մարդու իրավունքների հարցերով ՄԱԿ-ի գերագույն հանձնակատար Զեյդ Ռաադ ալ-Հուսեյնը հայտարարել է, որ լրագրողների հասցեին ԱՄՆ նախագահ Դոնալդ Թրամփի քննադատությունը կարելի է հավասարեցնել բռնության հրահրման։ Այս մասին հայտնում է Reuters գործակալությունը։
ՄԱԿ-ի հանձնակատարի խոսքով՝ Թրամփն իրեն համարում է տաբուներ կործանող, դա ունի հետևանքներ, դա խթանում է նույն կերպ մտածողներին ուժեղացնելու հարձակումները որոշ համայնքների վրա։
«Զարմանալի է, երբ հասկանում ես, որ մամուլի ազատությունը, որը ոչ միայն հանդիսանում է ԱՄՆ սահմանադրության հիմքերի հիմքը, այլ նաև այն, ինչն ԱՄՆ-ը պաշտպանել է երկար տարիներ, այժմ ենթարկվում է նախագահի հարձակումներին։ Դա ցնցող շրջադարձ է, և վերջին հաշվով դրա հետևանքները վտանգավոր են»,-ընդգծել է ալ-Հուսեյնը։
Ավելի վաղ ԱՄՆ նախագահ Դոնալդ Թրամփը հայտարարել էր, որ ԶԼՄ-ներն անարդարացիորեն մեղադրում են իրեն ուլտրաաջերի հանդեպ համակրանք տածելու մեջ և կրկին անվանել ԶԼՄ-ների ներկայացուցիչներին «անազնիվ մարդիկ»։
