Ինչպես հաղորդում է ամերիկյան Obesity ամսագիրը՝ ավելորդ քաշի դեմ պայքարում շատ կարևոր է բավարար ժամանակով քնելը: Շվեդ գիտնականների փորձը ցույց է տալիս, որ քնի պակասի պատճառով մարդիկ հակված են ավելի ուտելու և խանութից ոչ օգտակար սնունդ ընտրելու: Փորձը ցույց է տվել, որ հաջորդ օրը՝ լավ ու խորը քնից հետո, նույն մարդիկ խանութում ընտրել են ավելի բնական ու օգտակար սնունդ և դրանք կերել են բավարար քանակությամբ:
Ըստ գիտնականների՝ նման վարքը բացատրվում է հորմոններով: Քնի պակասի դեպքում մարդկանց մոտ նկատվել է գրելինի բարձր մակարդակ, որը կարգավորում է ախորժակը: Բացի այդ, քնի պակասի պատճառով մարդիկ ավելի հաճախ են չմտածված գործողությունների դիմում:
