ԱՄՆ-ի պետական հաստատությունները ֆինանսավորման բացակայության պատճառով չեն կարող իրականացնել իրենց հիմնական գործառույթները, այդ թվում՝ չեն կարող վերանայել Իրանի և Սիրիայի դեմ պատժամիջոցները: Այս մասին լրագրողներին հայտնել է Սպիտակ տան մամլո քարտուղար Ջեյ Քարնին:
Բյուջեի հարցում փոխզիջման բացակայության պատճառով հոկտեմբերի 1-ից ԱՄՆ-ում փակվել են շատ պետական հաստատություններ, այդ թվում նաև ֆինանսների նախարարության արտասահմանյան ակտիվների վերահսկողության բաժինը, որը պատասխանատու է պատժամիջոցների համար: Աշխատակիցների հիմնական մասը չի կարող իր պարտականությունները կատարել՝ հայտնել է Քերին:
Մամլո քարտուղարը հայտնել է նաև, որ ԱՄՆ-ը մինչև պետական հաստատությունների ֆինանսավորման վերականգնումը չի կարող վերանայել պատժամիջոցների հարցը և իրականացնել տարատեսակ մարդասիրական ծրագրեր՝ հաղորդում է Ria Novosti-ն:
