Ֆուտբոլի Հայաստանի ազգային հավաքականը ծանր իրավիճակում է հայտնվել: Երեկ Գյումրիում տեղի ունեցած Հայաստանի բարձրագույն խմբի առաջնության 4-րդ տուրի «Արարատի» հետ հանդիպումից հետո «Շիրակի» դարպասապահ Անատոլի Այվազովը հայտարարել է, որ չի միանա Հայաստանի ազգային հավաքականին, որը սեպտեմբերի 1-ին Բուխարեստում մրցելու է Ռումինիայի և սեպտեմբերի 4-ին Երևանում Դանիայի հավաքականի հետ:
Այվազովը մտադիր է հանդես գալ Ռուսաստանում, իսկ Հայաստանի հավաքականում խաղալու դեպքում կստանա լեգեոների կարգավիճակ: Նշենք, որ Ռուսաստանում սահմանափակում կա լեգեոներների համար և մեր ազգային հավաքականում խաղալու դեպքում հնարավոր է տեղափությունը չկանայա: Այվազոն ով ՌԴ քաղաքացի է ասել է, որ մինչև ձմեռ դադար է վերցնում և ժամանակավորապես հեռանում է հավաքականից:
Նշենք, որ Այվազովը մի քանի անգամ հրավիրվել է Հայաստանի ազգային հավաքականի սակայն գլխավոր մարզիչ Արթուր Պետրոսյանը չէր խաղացնում նրան դարպասը վստահելով «մեծն» Արսեն Բեգլարյանին, ով Մոնտենեգրոյի հետ խաղում ուղղակի տապալվեց: Առաջիկա հանդիպումներին Պետրոսյանը բացի Այվազովից հրավիրել է նաև «Փյունիկի» դարպասապահ Գոռ Մանուկյանին և բնականաբար անձեռնմխելի Բեգլարյանին: Վերջին ժամանակահատվածում Բեգլարյանն ուղղակի խայտառակ խաղ է ցույց տալիս, և Այվազովը, ով բավական հաջող է ելույթ ունենում չափազանց մեծ կորուստ է ազգային հավաքականի համար:
Այս խնդրին կանդրադառնանք ավելի ուշ:
