Գերմանիայի արտգործնախարար Զիգմար Գաբրիելը հայտարարել է որ Թուրքիան չի դառնա ԵՄ անդամ նախագահ Ռեջեփ Թայիփ Էրդողանի կառավարման ժամանակ։ Այս մասին նախարարը հայտնել է Bild պարբերականին։
«Դա չի նշանակում, որ մենք չենք ցանկանում Թուրքիային, սակայն Էրդողանի կառավարությունն արագ շարժվում է հակառակ ուղղությամբ այն բանից, ինչ ներկայացնում է Եվրոպան։ Միանգամայն պարզ է, որ Թուրքիան ներկա վիճակով չի դառնա ԵՄ անդամ»,-ասել է նա։
Ավելի վաղ Էրդողանը կոչ էր արել Գերմանիայում բնակվող թուրքերին չքվեարկել կանցլեր Անգելա Մերկելին դաշնակից կուսակցությունների օգտին, որոնք «Թուրքիայի թշնամիներն» են։
Զիգմար Գաբրիելը նրա խոսքերն անվանել էր ինքնիշխանությանը միջամտելու եզակի գործողություն։
Էրդողանը կտրուկ արձագանքել էր Զիգմար Գաբրիելի խոսքերին և խորհուրդ տվել «իմանալ իր տեղը»։
