Իտալացիներն առաջարկում են Խաղաղության Նոբելյան մրցանակով պարգևատրել Լամպեդուզա կղզու քաղաքապետ Ջուզի Նիկոլինիին և բնակիչներին՝ հազարավոր էմիգրանտների օգնելու համար, ովքեր գրեթե ամեն օր ոտք են դնում Իտալիայի ափեր: Այս մասին գրում է Corriere della Sera-ն:
Պարբերականի տվյալներով՝ նման գաղափար են արտահայտել երեկ տեղի ունեցած ողբերգությունից հետո: Լամպեդուզան ողջ աշխարհին ներկայանում է որպես եղբայրության, շռայլության և զոհաբերութան հիանալի օրինակ՝ ամեն օր ընդունելով, տեղավորելով ու կերակրելով ապերջանիկների բանակի:
Հիշեցնենք, որ հինգշաբթի առավոտյան կղզու մոտ վթարվել էր Լիբիայից շուրջ 500 փախստական տեղափոխող նավը: Նախնական տվյալներով՝ նավը վառվել է կղզու ափից մի քանի կմ հեռավորության վրա: Էմիգրանտները որոշել էին տախտակամածին խարույկ վառել՝ իրենց վրա ուշադրություն սևեռելու համար: Փրկարար ծառայությունն ու առափնյա գվարդիան ծովից 111 դի է դուրս բերել: Հարյուրավոր մարդիկ մնացելեն խորակված նավի բեկորների տակ: 200 մարդու ճակատագիրն անհայտ է մնում: Փրկել հաջողվել է ավելի քան 150 մարդու:
«Մարդկանց զանգվածային մահ» հոդվածով քրեական գործ է հարուցվել: Իտալական ԶԼՄ-ների փոխանցմամբ՝ գործով մեկ ձերբակալված կա:
