Ստրասբուրգում Մարդու իրավունքների եվրոպական դատարանը(ՄԻԵԴ) Ռուսաստանին պարտավորեցրել է 10 հազար եվրո վճարել հայտնի շախմատիստ և ընդդիմադիր Գարի Կասպարովին՝ 2007 թ. «Ահամաձայնների երթի» ժամանակ ձերբակալության համար, ասվում է դատարանի կայքում: Այսպիսով, դատարանն ընդունել է Կասպարովի իրավունքների ոտնահարումը:
ՄԻԵԴ-ը Մարդու իրավունքների եվրոպական կոնվենցիայի 6-րդ և 11-րդ հոդվածների խախտումներ է արձանագրել և նպատակահարմար չի գտել բողոքը 10-րդ հոդվածի համաձայն քննել: Ռուսաստանը պետք է ութ հայցվորների 60,5 հազար եվրո փոխհատուցում վճարի, որից 10 հազարը՝ Կասպարովին:
2007 թ. ապրիլին տեղի ունեցած երթի ժամանակ նրանք ձերբակալվել էին և տուգանվել: Կասպարովից դատարանը հակակառավարական կարգախոսներ բղավելու համար 1000 ռուսական ռուբլի էր բռնագանձել:
Կասպարովը և մյուսները 2007 թ. մայիսին դիմել էին ՄԻԵԴ:
