Սիրիական հարցում Ռուսաստանի հետաքրքրվածությունը կապված է միայն իր սեփական շահերի հետ: Այս մասին ասվում է The Financial Times-ում տպագրված Քարնեգիի մոսկովյան կենտրոնի տնօրեն Դմիտրի Տրենինի սյունակում:
Նրա կարծիքով՝ ժողովրդավարական համոզմունքները, ինչպես նաև Ռուսաստանի հետաքրքրվածությունը սիրիական Տարտուս նավահանգստով՝ որպես ռազմածովային կենտրոն, պատճառներ են, որոնք բոլորին շփոթության մեջ են գցում:
«Սիրիայի հարցով Ռուսաստանի դիրքորոշումը կապված է առաջին հերթին ոչ Սիրիայի հետ: Խոսքը համաշխարհային կարգի մասին է՝ թե ով ունի ռազմական ներխուժման որոշում ընդունելու իրավունք: Միջազգային իրավունքի տեսանկյունից անօրինական ներխուժում իրականացնելով՝ կարելի է լրջորեն թուլացնել որոշ պետությունների: Ռուսաստանի շահերը կապված են բարձր սկզբունքներ հետ, որոնք եզակի չեն միջազգային քաղաքականությունում»,- ասվում է սյունակում:
Հեղինակի խոսքով՝ ռուսները չեն բացառում Ասադի տապալումը և հասկանում են, որ Դամասկոսում ռեժիմի տապալումը չի նշանակում քաղաքացիական պատերազմի ավարտ, այլ դրա նոր փուլ: «Սիրիան պարզապես հարթակ է ԱՄՆ-ի և Ռուսաստանի խաղում»,- նշում է Տրենինը:
