Իրանական Fars գործակալության հաղորդմամբ, Իրանի Ահար քաղաքի կառավարիչ Ռեզա Սեդիղին Ահար-Թավրիզ կառուցվող մայրուղու առնչությամբ հայտարարել է, որ այդ մայրուղին մեծ դեր է ունենալու Իրանի հյուսիսարևմտյան շրջանների համար:
Նա նաև մատնանշել է, որ Թավրիզ-Բաքու կառուցվելիք մայրուղու շինարարական հետազոտությունները սկսվել են, և մոտ ապագայում այդ մայրուղու կառուցման նախագիծը վերջնական տեսք կստանա:
Ահար քաղաքի կառավարիչը Թավրիզ-Բաքու մայրուղու նախագիծը նախագահ Մահմուդ Ահմադինեժադի կառավարության հպարտություններից է անվանել և հույս է հայտնել, որ այդ մայրուղու շնորհիվ շրջանի տնտեսությունը մեծ աճ կարձանագրի:
