«Օգտվելով պատեհ առիթից՝ մենք երգչուհի էմմիից հետաքրքրվեցինք, թե հետևե՞լ է «Եվրատեսիլից» հետո սոցիալական կայքերում ծավալված քննարկումներին, երբ մարդիկ մի քանի ճամբարների էին բաժանվել՝ մի մասը քարկոծում էին իրեն «Եվրատեսիլի» երկրորդ փուլ դուրս չգալու համար, մյուս մասը՝ պաշտպանում»,- գրում է «Հրապարակ»-ը:
Ի պատասխան թերթի հարցին՝ Էմմին ասել է. «Տեղյակ եմ այդ աժիոտաժներին և երկկողմանի համաձայնություն եմ տվել, այսինքն եղել եմ և լավ կարծիքներ արտահայտողների կողքին, և այն մարդկանց, ովքեր դժգոհություններ են արտահայտել: Առողջ քննադատությունն ընդունում եմ այնպես, ինչպես որ կա»,- և հավելել, որ հրաժարվում է «Եվրատեսիլի» մասին ավելին խոսելուց. կխոսի առաջիկայում՝ մամլո ասուլիսի ժամանակ:
