Հայաստանի Հանրապետության ՀԱԿ խմբակցության քարտուղար Արամ Մանուկյանը այսօր կառավարության հետ հարցուպատասխանի ժամանակ ՀՀ վարչապետ Տիգրան Սարգսյանին խնդրեց մանրամասներ ներկայացնել «ՀայՌուսգազարդ»-ի նոր պայմանագրի վերաբերյալ:
Վարչապետը հավաստիացրեց՝ ցանկացած պայմանագիր, որ իրենք կստորագրեն ռուս գործընկերների հետ, հասանելի կլինի բոլորին: «Պայմանագիրը դեռ ստորագրված չէ, մենք գտնվում ենք բանակցային գործընթացում, ունենք պայմանագրի նախագծեր, որոնք պետք է ստորագրվեն, և երբ դրանք ստորագրվեն, դա կլինի հրապարակային, ավելին՝ դրանք կբերվեն Ազգային ժողով, քանի որ մենք պետք է քննարկենք դրանում ներառված բոլոր դրույթները»,- ասաց նա:
