Արքայադուստր Դիանայի «Դիանա. սիրո պատմություն» ֆիլմի փրոմո-ցուցապաստառը, որը տեղադրվել էր նրա մահվան վայրի՝ Փարիզի Ալմա թունելի հարևանությամբ, սեպտեմբերի 30-ի երեկոյան հեռացրել են Le Pacte ընկերության որոշմամբ, որը գովազդել է ֆիլմը Ֆրանսիայում: Այս մասին հայտնում է The Hollywood Reporter-ը:
Le Pacte ընկերության ներկայացուցիչները հայտարարել են, որ ցուցապաստառը «դժբախտ պատահականության հետևանք է»:
Ցուցապաստառը կախված էր թունելի հարավային մուտքի մոտ: Դրա վրա պատկերված էր Նաոմի Ուոթսը: Ցուցապաստառը հարուցել էր հանգուցյալ արքայադստեր երկրպագուների վրդովմունքը:
Գերմանացի ռեժիսոր Օլիվեր Խիրշբիգելի «Դիանա. սիրո պատմություն» ֆիլմը Մեծ Բրիտանիայի վարձույթ է դուրս եկել 2013թ. սեպտեմբերին և արժանացել քննադատների վատ արձագանքներին:
