ԱՄՆ-ում ծովային հետևակի երկու գեներալներ հրաժարական են տվել այն բանից հետո, երբ ներքին հետաքննությամբ պարզվել է, որ նրանք անհրաժեշտ միջոցառումներ չեն ձեռնարկել Աֆղանստանի Քեմփ-Բեստիոն բազան թալիբներից պաշտպանելու համար: Այս մասին հայտնում է The Washington Post-ը:
Զինվորական քննիչները եկել են այն եզրակացության, որ գեներալ-մայորներ Գրեգ Ստերդևանտն ու Չարլզ Գուրգանուսը 2012-ի սեպտեմբերին պատշաճ միջոցառումներ չեն ձեռնարկել բազան թալիբների հարձակումից պաշտպանելու համար: Այդ ժամանակ զոհվել էր 2 զինվորական, ևս 9-ը ստացել վնասվածքներ:
Գեներալների հրաժարականը պահանջել է անձամբ ԱՄՆ ծովահետևակային կորպուսի հրամանատար Ջեյմս Ամոսը:
