Ադրբեջանական APA լրատվական գործակալության փոխանցմամբ՝ Ադրբեջան է այցելելու էներգետիկ հարցերով ԱՄՆ պետքարտուղարի հատուկ ներկայացուցիչ Ռիչարդ Մորնինգսթարը։ Այս մասին հայտարարել է Ադրբեջանում ԱՄՆ դեսպանատունը։
Հունիսի 7-10-ը Բաքու է այցելելու Մորնինգսթարի գլխավորած ամերիկյան պատվիրակությունը, որը մասնակցելու է կասպյան նավթի ու գազի ցուցահանդես-կոնֆերանսին։
Ակնկալվում է, որ ադրբեջանական այցի շրջանակներում Մորնինգսթարը մի շարք հանդիպումներ է ունենալու պաշտոնատար անձանց հետ, որոնց ընթացքում քննարկելու են երկու երկրների էներգետիկ համագործակցությանն առնչվող խնդիրներ։
Հիշեցնենք, որ նույն կոնֆերանսին մասնակցելու համար Ադրբեջան պետք է ժամանի նաև էներգետիկ գծով եվրակոմիսար Գյունտեր Օտինգերը։