Արևմուտքը երկար ժամանակ անկախ Մոլդովան համարել է «անհույս դեպք»՝ հիշեցնում է The Washington Post-ը խմբագրական հոդվածում. երկիրը հայտնի էր կանանց ու դոնորական օրգանների առևտրով: Սակայն այժմ Մոլդովան լիբերալ ժողովրդավարական երկիր է՝ աճող տնտեսությամբ. նա մոտ է ԵՄ-ի հետ Ասոցացման համաձայնագրի ստորագրմանը:
Սակայն Կրեմլը կիրառում է պատժիչ միջոցառումներ և կաշառք՝ միայն թե թույլ չտա, որ Մոլդովան, Վրաստանը, Հայաստանն ու Ուկրաինան համաձայնագրեր կնքեն ԵՄ-ի հետ: Նա թեքում է այդ երկրները դեպի Մաքսային միություն: «Դա ԽՍՀՄ-ի նման ինչ-որ բան վերականգնելու Պուտինի երազանքի իրականացման միջոց է»,- ասվում է հոդվածում:
Հայաստանը վերջերս «կապիտուլացվեց», սակայն Մոլդովան, Ուկրաինան և Վրաստանը հայտարարում են, որ չեն հրաժարվի ԵՄ-ի հետ համաձայնագրերից: Հոդվածում ասվում է, որ դա խիզախ որոշում է, քանի որ ԵՄ-ի հետ ասոցացումը պարտավորեցնում է մասշտաբային բարեփոխումներ, իսկ Պուտինը խնդրում է միայն համաձայնեցնել տուրքերը և անձայն ճանաչել Ռուսաստանի ավատիշխանությունը:
Ի՞նչ կարող է անել Արևմուտքը: The Washington Post-ը ԵՄ-ին խորհուրդ չի տալիս մեղմացնել համաձայնագրերի քաղաքական պայմանները, ինչի մասին խնդրում են Լեհաստանն ու Լիտվան:
Առաջիկա երկու ամիսներին ԵՄ առաջնորդները պետք է շատ ջանք թափեն՝ եվրասիական երկրներին համոզելու ընդունել արևմտյան արժեքները:
