World Beer Awards 2013 ամենամյա մրցույթում Kriek բելգիական գարեջուրը, որն արտադրում է Lindemans ընկերությունը, ճանաչվել է «Աշխարհի լավագույն բալե գարեջուր», հաղորդում է RIA Novosti-ն:
Միջազգային ժյուրիի ներկայացուցիչները գնահատել են գարեջրի 600 տեսակ ավելի քան 30 երկրից:
Աշխարհի լավագույն գարեջուր են ճանաչվել նաև բելգիական Malheur 12 մուգ գարեջուրը և Gueuze-ը, որը եփվում է բաց երկնքի տակ:
Միջազգային մրցույթներում բելգիական գարեջուրն ամեն տարի արժանանում է բարձրագույն մրցանակների: Բելգիացիները հպարտանում են նրանով, որ իրենց երկրում արտադրվում է գարեջրի շուրջ 450 տեսակ:
