Բրիտանացի հայտնի մոդել Քեյթ Մոսին նվիրված աճուրդում հավաքվել է ընդհանուր առմամբ ավելի քան 2.5 մլն դոլար՝ նշված է Christie’s աճուրդի տան հրապարակած մամլո հաղորդագրության մեջ:
Աճուրդում վաճառվել է ցուցադրված 58 լոտերից 48-ը՝ տեղեկացնում է RIA Novosti-ն:
Լոնդոնյան աճուրդին ներկայացված էր Մոսին նվիրված Գետրա Էլֆերինգի հավաքածուն, որտեղ ցուցադրվել են արվեստի տարբեր իրեր, որոնք այս կամ այն կերպ առնչվել են լեգենդար թոփ-մոդելին:
Աճուրդում ներկայացված են եղել ինչպես հայտնի, այնպես էլ երիտասարդ նկարիչների արվեստի գործեր:
Ամենաթանկ լոտը Ալեն Ջոնսի A Model Model քանդակն էր, որը վաճառվել է 214 հազար դոլարով, իսկ Իրվինգ Փենի հայտնի Hand On Thigh լուսանկարը գնել են մոտ 100 հազար դոլարով:
