Սիրիայի նախագահ Բաշար Ասադը պետք է հստակորեն կատարի սիրիական քիմիական զինաթափման հարցով ՄԱԿ ԱԽ բանաձևի պայմանները, այլապես կենթարկվի հետևանքներին բախվելու ռիսկին: Այս մասին հայտարարել է ԱՄՆ նախագահ Բարաք Օբաման՝ փոխանցում է ITAR-TASS-ը:
«Այդ բանաձևը կոչված է հասնելու Ասադի ռեժիմի կողմից իր պարտավորությունների կատարմանը, այլապես նա կբախվի հետևանքների»,- ասել է Սպիտակ տան ղեկավարը:
Հիշեցնենք, որ երեկ Մոսկվան ու Վաշինգտոնը կարողացել էին պայմանավորվածությունների հասնել բանաձևի բովանդակության շուրջ: Բանաձևն ընդունվել է ոչ ըստ ՄԱԿ-ի կանոնադրության 7-րդ գլխի, սակայն այն պարունակում է կետ, որը նախատեսում է միջոցառումների ընդունում պայմանների չկատարման դեպքում:
