Եվրոպայի խորհրդում «անհանգստությամբ են ընդունել» Ուկրաինայի հատուկ դատարանի որոշումը՝ մերժել «գազի գործի» դատավճիռը վերանայելու վերաբերյալ Յուլյա Տիմոշենկոյի միջնորդագիրը՝ առանց քննարկելու Մարդու իրավունքների և հիմնական ազատությունների մասին եվրոպական կոնվենցիայի խախտումները: Նման հայտարարությամբ ելույթ է ունեցել Եվրախորհրդի նախարարների կոմիտեն:
Կոմիտեի անդամները հատուկ նիստի ժամանակ վերլուծել են մասնավորապես Տիմոշենկոյի գործով Մարդու իրավունքների եվրոպական դատարանի որոշումների կատարումը:
Կոմիտեի անդամները «Ուկրաինայի իշխանություններին խնդրել են տեղեկություն տրամադրել իրենց հետագա հնարավոր քայլերի վերաբերյալ», որոնցից ելնելով՝ կարելի է եզրակացնել, որ Կիևն իրականացնում է Ստրասբուրգի դատավճիռը, հաղորդում է ITAR-TASS-ը:
