Գերմանիայի Բադ-Թելց քաղաքում 13-ամյա պատանին տարեկիցների շրջանում ընկերներ ձեռք բերելու համար ավելի քան 10 հազար եվրո գումար է բաժանել՝ գրում է The Local-ը:
Նա իր պոտենցիալ ընկերներից յուրաքանչյուրին տվել է 100-2,5 հազար եվրո գումար: Նրանցից շատերը տեղի ֆուտբոլային թիմի խաղացողներ են եղել: Տղան, ծնողներից ծածուկ գումար փախցնելով և տարեկիցներին բաժանելով, համոզված է եղել, որ դրանով ինքը կվաստակի նրանց հարգանքը և ընկերությունը:
«Բարեգործ»-ի մասին լուրը հասել է ոստիկաններին, վերջիններիս հաջողվել է ետ բերել գումարի մեծ մասը. 6 հազար եվրո դեռևս հայտնաբերված չէ:
