Sotheby’s-ն այս տարվա նոյեմբերին կվաճառի երբևէ աճուրդում հայտնված ամենաթանկ ադամանդը՝ ասվում է աճուրդի տան հաղորդագրության մեջ:
«Վարդագույն աստղ» (Pink Star) թանկարժեք 59.6 կարատանոց քարը մասնագետները գնահատել են ավելի քան 60 մլն դոլար:
«Վարդագույն աստղն» իր չափերով ավելի քան կրկնակի գերազանցում է մեկ այլ վարդագույն քարի՝ Graff Pink-ին, որը 2010թ. նոյեմբերին Ժնևում վաճառվել էր ռեկորդային՝ 45.75 մլն դոլարով:
Ավելի վաղ Pink Star-ը հայտնի էր որպես Steinmetz Pink: Ալմաստը 1999թ. հայտնաբերվել էր Հարավային Աֆրիկայում՝ De Beers ընկերության հանքում:
Այն առաջին անգամ ցուցադրվել էր Մոնակոյում՝ 2003թ.:
