novate.ru-ն ներկայացնում է հագուստի 10 հետաքրքիր պարագա ոսկուց:
Ավստրիական մետաղադրամներից զգեստ
Այս զգեստի համար պահանջվել է մոտ 1500 ոսկե մետաղադրամ: Bunka Fashion College ճապոնական նորաձևության քոլեջի սաների ստեղծած զգեստի հետ նաև երկու ոսկյա ժակետ են ստեղծել: Ամբողջական հավաքածուն արժե ավելի քան 120 միլիոն դոլար, իսկ քաշը 21 կգ է, զգեստը՝ 10 կգ:
Զգեստ ոսկե թելերից
Ճապոնուհի Գինձա Տականակայի ստեղծած զգեստի ու շալի ընդհանուր քաշը 1 կգ 100 գրամ է, արժե 245.000 դոլար:
Ոսկե վերնաշապիկ
Հնդիկ բիզնեսմեն Դաթթա Փհուգեն ոսկյա վերնաշապիկ է պատվիրել: Վերնաշապիկի քաշը 3.5 կգ է, արժե 250.000 դոլար:
Ադամանդներով ոսկե ժիլետ
Ֆուբայի թանգարաններից մեկում ցուցադրվում է 24-կարատանոց ոսկուց պատրաստված ժիլետ: Այն բաղկացած է ադամանդներով զարդարված 70.000 մասերից: Դրա վրա աշխատել են Prima Gold International Co.-ն, Ltd ոսկերչական ընկերության 35 մասնագետներ:
Մաքուր ոսկուց լողազգեստ
Ճապոնուհի Գինձա Տանական ստեղծել է նաև ոսկյա լողազգեստ: Դրա համար օգտագործվել է 24-կարատանոց ոսկի: Այն արժե մոտ 82.000 դոլար:
Ոսկե ներքնազգեստ
Իտալական La Perla ապրանքանիշը թողարկել է լողազգեստի հավաքածու 24-կարատանոց ոսկուց: Հավաքածուն արժե 2000-16.000 դոլար:
Թանկարժեք պայուսակ
Ամերիկյան Billionaire Boys Club հայտնի ապրանքանիշը ստեղծել է կաշվե պայուսակ՝ ծածկված իսկական ոսկով:
Կանանց պայուսակ՝ ոսկուց
Hermes-ը դիզայներ Պյեր Հարդիի հետ համատեղ թողարկել է վարդագույն ոսկուց պատրաստված 4 պայուսակ: Պայուսակն արժե առնվազն 2 միլիոն դոլար:
Ոսկե կոշիկներ
Դիզայներ Ալբերտո Մորետիի ստեղծած կոշիկները 24-կարատանոց ոսկուց են: Քաշը 680 գրամ է, արժեքը՝ մոտ 30.000 դոլար:
Nike-ի ոսկե մարզակոշիկներ
Այն ֆունկցիոնալությունը պահպանելու համար ոչ թե ամբողջովին ոսկուց է, այլ պատված է ոսկու բարակ շերտով: Դիզայնի հեղինակն ամերիկացի դիզայներ Քեն Քորթնին է: Ոսկե Nike-ն արժե 5400 դոլար:
