«Առաջին լրատվական»-ը երևանցիների շրջանում հարցում անցկացրեց՝ պարզելու, թե արդյոք նրանք տեղյա՞կ են, թե ինչ օր է այսօր, և կառավարման ի՞նչ համակարգ է Հայաստանում:
Մեր զրուցակիցներից մեկը այս հարցերին ի պատասխան ասաց. «Գիտեմ, որ հանգստյան օր է, բայց ինչ օր է՝ չգիտեմ: Ես ոչինչ չգիտեմ, ցավդ տանեմ: Մեր օրոք ուրիշ էր, հիմա ուրիշ ա: Գիտեմ, որ ապրել ենք Դեմիրճյանի օրոք, ապրել ենք Բրեժնևի օրոք, դրանից էն կողմ արդեն ապրել չի սա, էնքան որ՝ գոյատևել ա»:
Մեր զրուցակիցներից մեկն էլ հարցին՝ Հայաստանում կառավարման ի՞նչ համակարգ է, պատասխանեց՝ նախագահական: Նրա կարծիքով՝ վերջին ընտրությունները ևս նախագահական էին:
Հարցման մասնակիցներից մեկն էլ թեև գիտեր, որ այսօր Սահմանադրության օրն է, սակայն նկատեց, որ քաղաքում տոնական տրամադրություն չկա:
