2016 թվականի բյուջեից ՀՀ Տավուշի մարզին տրամադրվել է 5 մլրդ 225 մլն դրամ, որից 21.4 մլնը կառավարության պահուստային ֆոնդից։ Այս մասին այսօր ԱԺ-ում 2016-ի բյուջեի կատարողականի ժամանակ ասաց մարզպետ Հովիկ Աբովյանը: Նրա խոսքով՝ ապարատի ծախսերը կազմել են 502 մլն դրան, տեղական ծրագրերի համար տրամադրվել է 139 մլն դրամ, սահմանմերձ համայնքերին պետական աջակցություն ծրագրով 24 սահմանամերձ համայնքներին ցուցաբերվել է 477.5 մլն դրամ:
Արագածոտնի մարզպետարանին բյուջեով հատկացվել է 5.967 մլրդ դրամ, որից 213-ը պահուսային ֆոնդից է: Արարատի մարզպետարանին տրամադրվել է 8.632 մլրդ դրամ, Արմավիրի մարզին բյուջեից հատկացվել է 8.8 մլրդ դրամ, որից 462 մլն դրամը պահուստային ֆոնդից:
Գեղարքունիքի մարզին հատկացված գումարը կազմում է 8.483 մլրդ դրամ: Մարզպետ Կարեն Բոթոյանի խոսքով`պահուստային ֆոնդից մարզին հատկացվել է 123 մլն դրամ, իսկ բյուջեին հետ է վերադարձվել 136 մլն դրամ:
Կոտայքի մարզպետարանը 21 ծրագրերի համար օգտագործել է 7.4 մլրդ դրամ: Շիրակի մարզպետարանի 29 ծրագրերի իրականացման համար պահանջվել է 10.3 մլրդ դրամ, իսկ Սյունիքի մարզպետարանը 5.9 մլրդ դրամ է ծախսել 28 ծրագրերի համար։ Վայոց Ձորի մարզպետարանը 22 ծրագրերի համար ծախսել է 2.6 մլրդ դրամ։
