Ամերիկացի զինվորականներն այսուհետ չեն թարմացնի Գուանտանամոյում բանտարկյալների հացադուլի մասին տեղեկատվությունը: Ինչպես հաղորդում է The Asutralian-ը, Գուանտանամո բանտի զինվորականներն իրենց այս որոշումը մեկնաբանում են նրանով, որ հացադուլ հայտարարած բանտարկյալների թիվը զգալիորեն կրճատվել է:
Բանտի ղեկավարության հայտարարության մեջ նշվում է, որ հուլիս ամսվա համեմատ, երբ հացադուլ էին հայտարարել ավելի քան 100 մարդ՝ իրենց անժամկետ ազատազրկման վրա ուշադրություն հրավիրելու նպատակով, հացադուլ հայտարարածների մեծ մասն արդեն սկսվել է սնվել: Ներկայում 19 մարդ է հրաժարվում սննդից:
Մի քանի ամիս շարունակ ամերիկացի զինվորականներն ամեն օր հրապարակել են տեղեկատվություն Գուանտանամոյի բանտարկյալների թվի վերաբերյալ, որոնք ի նշան բողոքի՝ հրաժարվում էին սննդից:
Ավելի ուշ հայտնի է դարձել, որ Դաշնային դատարանը վճռել է հացադուլ հայտարարած բանտարկյալներին ստիպողաբար կերակրել, եթե բժիշկները որոշեն, որ դա անհրաժեշտ է:
