Արգենտինայում մանկապիղծ կաթոլիկ հոգևորականը բանտարկվել է

Արգենտինայում մանկապղծության մեջ մեղադրվող հայտնի կաթոլիկ հոգևորական Խուլիո Սեզար Գրասին սկսել է կրել իր ազատազրկման պատիժը: Այս մասին հայտնում է BBC-ն:

4 տարի առաջ նա մեղավոր էր ճանաչվել 14-ամյա դեռահասի նկատմամբ սեռական ոտնձգությունների մեջ և դատապարտվել 15 տարվա ազատազրկման:

Բուենոս Այրեսի դատարանը հրաժարվել է բավարարել նրա խնդրանքը՝ որպես պատիժ սահմանել տնային կալանք:

Հոգևորականը պնդում է, որ անմեղ է, և իր դեմ գործը կառուցվել է կեղծ ցուցմունքների հիման վրա: