ԱՄՆ ՊՆ-ն հայտնում է, որ Սիրիայի ռազմական ղեկավարությունը հետ է կանչել քիմիական զենք կիրառելու հրամանը:
Երեկ Սպիտակ Տունը զգուշացրել էր սիրիական իշխանություններին, որ քիմիական զենքի կիրառումը կունենա ծանր հետևանքներ։ Նման նախազգուշացումն արվել էր «Շայրաթ» բազայում նկատված ակտիվության ֆոնին։
Ճեպազրույցի ժամանակ պաշտպանության նախարար Ջեյմս Մետիսը հայտնել է, որ, ըստ ամենայնի, Սիրիայի իշխանությունները լրջորեն են մոտեցել ամերիկյան կողմի զգուշացումներին: Մետիսը սակայն չի նշել, թե արդյո՞ք սիրիական կողմը լիովին հրաժարվել է այդ զենքի կիրառումից:
