ԱՄՆ-ում մահացու մակաբույծի պատճառով մահացել է 4 տարեկան տղա: Երեխային ծնողները մահացած են գտել տան հետնաբակում: Ենթադրվում է, որ երեխան վարակվել է ջրային սահուղով սահելիս: Naegleria fowleri ամեոբան օրգանիզմ է ներթափանցում քթի միջոցով:
The Independent-ի փոխանցմամբ՝ Սուրբ Բեռնարդի ծխի բնակիչները (գտնվում է Նոր Օրլեանից ոչ հեռու) չեն կարողանում ջուր խմել անմիջապես ծորակից: Առողջապահության դեպարտամենտում հաստատել են, որ ջրախողովակներում հայտնվել է հազվագյուտ և վտանգավոր ամեոբա: Այն, հայտնվելով մարդու օրգանիզմում, հասնում է ուղեղին և սնվում դրա բջիջներով և 12 օրում կարող է մահվան հանգեցնել: Մակաբույծին հնարավոր է սպանել ջուրը եռացնելով:
Վերջին 10 տարում գրանցվել է մակաբույծով վարակման 32 դեպք: 1995-2004 թվականներին մակաբույծը դարձել է 23 մարդու մահվան պատճառ: Գիտնականները կարծում են, որ դա տեղի է ունենում գլոբալ տաքացման հետևանքով, քանի որ Naegleria fowleri-ը ապրում է ջրամբարներում 25-30 աստիճան Ցելսիուսի պայմաններում:
