Ամերիկյան Endeavour տիեզերական մաքոքը, որը մայիսի 16-ին մեկնել էր տիեզերք միջազգային տիեզերական կայան նոր տիեզերագնացներ և բեռներ հասցնելու համար, այս գիշեր վերադարձել է ԱՄՆ: Սա Endeavour-ի 25-րդ ուղևորությունն էր:
Ամերիկայի ազգային տիեզերական գործակալությունն ավարտում է մաքոքների շահագործումը, և Endeavour-ը շուտով կհանձնվի թանգարաններից մեկին: Սկզբում ենթադրվում էր, որ մաքոքները կվաճառվեն 400-800 հազար դոլարով, սակայն քանի որ ոչ մի ցանկացող չգտնվեց, NASA-ում որոշել են դրանք նվիրել, բայց մեկ պայմանով՝ թանգարանները պետք է իրենք հոգան տեղափոխման ծախսերը:
