Մաքսային միության երկրների հետ համատեղ պահակակետերը, որտեղ Ուկրաինայի ներկայացուցիչները աշխտելու են Մաքսային միության երկրների հետ, կօգնեն բացառել եվրոպական չմաքսազերծված ապրանքների մուտքը այդ երկրներ ԵՄ-ի՝ Ուկրաինայի հետ ազատ առևտրի գոտու ստեղծումից հետո, կարծում է Ուկրաինայի վարչապետ Նիկոլայ Ազարովը:
«Մենք պատրաստ ենք Մաքսային միության երկրների հետ համատեղ հանձնաժողովներ ստեղծել»,- ասել է Ազարովն այսօր Յալթայում համաժողովի ժամանակ:
Ուկրաինան ծրագրում է ԵՄ-ի հետ ասոցացման ու ազատ առևտրի համաձայնագիր ստորագրել այս տարվա նոյեմբերին:
Մաքսային միության երկրների քաղաքական գործիչներն ու փորձագետներն ավելի վաղ մտավախություն էին հայտնել, որ դրա արդյունքում եվրոպական ավտոարտադրողների ապրանքները կհայտնվեն Մաքսային միության երկրների շուկայում Ուկրաինայի միջոցով՝ առանց մաքսատուրքերի վճարման, ինչը վտանգի տակ կդներ տեղի արտադրողների աշխատանքը։
«Ուկրաինան հետաքրքրված է այդ հարցի որոշմամբ, քանի որ հասկանում է առևտրային հարաբերությունների կարևորությունը Մաքսային միության երկրների հետ»,- ասել է Ազարովը:
