Ինչպես հայտնի է, այսօր ընթանում է «Սասնա ծռեր»-ի գործով դատական նիստը, որը պարբերաբար ընդմիջվում է դատավորի կողմից փաստաբանների և մեղադրյալների նկատմամբ սանկցիաներ կիրառելու պատճառով:
Քիչ առաջ հերթական անգամ նիստը ընդմիջվեց այն բանից հետո, երբ Վարուժան Ավետիսյանը նստած տեղից ժողովրդին զինված ապստամբության կոչ արեց: «Զենք վերցրեք, Սերժին ու իր բանդային ֆիզիկապես ոչնչացրեք»:
Այս հայտարարությունից հետո դատավոր Արտուշ Գաբրիելյանը դատական նիստը խախտելու եւ տեղից հայտարարություն անելու համար Ավետիսյանի նկատմամբ դատական սանկցիա կիրառեց` նրան հեռացնելով նիստերի դահլիճից՝ չնշելով, թե քանի ժամով հեռացվեց Վարուժան Ավետիսյանը:
Լուսանկարը՝ Photolure-ի
