Հեդի Լամարը ծնվել է Ավստրիայում, այստեղ նա թատերական դպրոց է հաճախել և վաղ հասակում սկսել է նկարահանվել ֆիլմերում:
Սակայն դերասանուհուն համաշխարհային ճանաչում է բերել չեխական «Էքստազ» ֆիլմը: Պատմության մեջ առաջին անգամ գեղարվեստական ֆիլմում 10 րոպեանոց տեսարան է ցուցադրվում, որտեղ մերկ կինը լողանում է լճում: Ֆիլմի ցուցադրությունն արգելվել է որոշ երկրներում:
Հետագայում Հեդին Հոլիվուդ է տեղափոխվել, որտեղ էլ պայմանագիր է կնքել MGM ստուդիայի հիմնադրի հետ: Ընդհանուր առմամբ, ֆիլմերում նկարահանվելով, Հեդի Լամարը 30 միլիոն դոլար է վաստակել:
Կինոյից բացի, Լամարը գիտությամբ է զբաղվել: 1942 թ. նա մի համակարգ է ներկայացրել, որը հնարավորություն էր տալիս տարածության վրա կառավարել տորպեդոները: Դերասանուհու ծննդյան օրը՝ նոյեմբերի 9-ը, ԱՄՆ-ում նշվում է որպես Գյուտարարի օր: Եթե չլիներ Լամարի հայտնագործությունը, այժմ չէին թռչի ռազմական հրթիռները և չէին աշխատի GSM ստանդարտի բջջային հեռախոսները:
