ԱՄՆ Նյու Յորք նահանգում բնակչի տանը հայտնաբերվել է 850 օձ՝ ներառյալ այնպիսի տեսակներ, օրինակ՝ բիրմանյան պիթոն, որոնք մասնավոր անձինք իրավունք չունեն պահելու: Այս մասին հաղորդում է Associated Press-ը:
Շիրլի քաղաքի բնակարանի նկուղում Ռիչարդ Պարինելոն, որն աշխատել է կենդանիների պաշտպանության քաղաքային ծառայությունում, պահել է հարյուրավոր օձեր:
Իրավապահ մարմինների տվյալներով՝ Պարինելոն զբաղվել է կենդանիների անօրինական վաճառքով: Իրավապահ մարմինները տանը պահվող օձերի մասին իմացել են գաղտնի հետաքննության արդյունքում՝ այն բանից հետո, երբ տղամարդը քաղաքապետից պահանջել է վճարել հիվանդության պատճառով վերցրած արձակուրդի համար: Արդյունքում պարզվել է, որ նա զբաղվում է կենդանիների անօրինական վաճառքով: Օձերի և կրեաների ձվերի գինը, որը պահվում է տանը, Պարինելոն գնահատել է կես միլիոն դոլար:
Պարինելոյի դեմ հնարավոր է առաջադրվի կենդանիներ պահելու մասին նահանգային օրենքը խախտելու, առաց համապատասխան արտոնագրի բիզնես անելու մեղադրանք: Կասկածյալը համագործակցում է քննության հետ:
Տանից առգրավված բիրմանյան պիթոններին տարել են Մասաչուսեթս նահանգի կենդանիների կացարաններից մեկը: Չի հաղորդվում, թե մնացած օձերը որտեղ են տեղափոխվել:
