Սեպտեմբերի 19-ին, Հայաստանն առաջին անգամ թողարկել է եվրապարտատոմսեր: Գլխավոր տեղաբաշխողները՝ Deutsche Bank AG, LondonBranch-ը, HSBC Bank plc-ը և J.P.Morgan Securities plc-ը հաջողությամբ ավարտել են պարտատոմսերի առաջին թողարկումը:
Թողարկման ծավալը՝ 700 մլն դոլար է, մարման ժամկետը՝ 7 տարի, եկամտաբերությունը՝ 6 տոկոս: Հայաստանի վարկանիշը գնահատել են միջազգային հեղինակավոր վարկանիշային գործակալությունները: Հայաստանի վարկանիշը Moody’s-ը գնահատել է Ba2 կայուն, իսկ Fitch-ը՝ BB- կայուն:
Այն մասին, որ Հայաստանում շուտով կթողարկվեն արտարժությաին պարտատոմսերը գրել էր նաև The Wall street journal-ը, ըստ որի 10 տարի ժամկետ և 500 մլն դոլար ծավալով պարտատոմսերի շրջանառումը սկսվելու էր արդեն այս շաբաթ: Հոդվածումը ընդգծվել էր, որ ամերիկյան ներդրողները Հայաստանի թողարկած պարտատոմսերի համար «անուն» ընտրելիս կանգնել են «Քարդաշյան» անվան վրա: Ամերիկացի հմուտ տնտեսագետների հաշվարկով` հայ աստղի անունը հայկական պարտատոմսերն ավեի գրավիչ կդարձնի շուկայում, քան Հայաստանի որևէ այլ խորհրդանիշ:
ԱՄՆ տարածքից դուրս թողարկվող դոլարային պարտատոմսերը հաճախ են ստանում որոշակի անուններ, և այստեղ Հայաստանը միակը չէ: Օրինակ` Ավստրալիայի պարտատոմսերին անվանում են «Կենգուրու», Ճապոնիայինը` «Սամուրայ», Մոնղոլիայինը` «Չինգիզ»: Եվ այս ֆոնի վրա Standard Bank-ի զարգացող շուկաների վերլուծաբան Թիմ Էշը Հայաստանի պարտատոմսերի համար ընտրել է «Քարդաշյան » անունը:
