Ճապոնիայի խորհրդարանն ընդունել է օրենք, որը թույլ է տալիս կայսր Ակիհիտոյին կյանքի օրոք գահը հանձնել ժառանգին։ Ինչպես հայտնում է Reuters գործակալությունը, գահաժառանգ Նարուհիտոն, հավանաբար, կգլխավորի երկիրը հաջորդ տարվա վերջին։
83-ամյա Ակիհիտոն ավելի վաղ ենթարկվել էր սրտի վիրահատության և բուժվում է շագանակագեղձի քաղցկեղից։ Անցած տարի նա իր հազվագյուտ հրապարակային հայտարարություններում մտավախություն էր արտաահայտել, որ տարիքը կարող է խոչընդոտ դառնալ իր պարտականությունների կատարման համար։
Նման նախադեպ չի եղել վերջին երկու հարյուրամյակում։ Հավանաբար կայսրը գահը կլքի 2018-ին իշխանության ղեկին գտնվելու 30 տարին նշելուց հետո։
Վարչապետ Սինձո Աբեն հայտարարել է, որ այդ օրենքի ընդունումը կարևոր պատմական պահ է երկրի պատմության մեջ։ «Այս պահը կապված է երկար պատմության և միաժամանակ ապագայի հետ»,-ասել է Աբեն։
