2017թ. հունիսի 7-ի առավոտյան Իրանում հարձակում է տեղի ունեցել խորհրդարանի վրա: Անհայտ անձինք Կալաշնիկով ավտոմատներով ներխուժել են շենք և կրակ բացել: Խորհրդարանում հրաձգության հետ միաժամանակ կին-մահապարտը, ով կապ ունի ԴԱԻՇ-ի գործունեության հետ, ահաբեկչություն է իրականացրել իմամ Խոմեյնիի դամբարանի մոտ: Ահաբեկչությունների հետևանքով, վերջին տվյալներով, զոհվել է 12 մարդ, տուժածների թիվը հասել է 39-ի:
Կրոնական պատերազմը, որն ընթանում է Մերձավոր Արևելքում, չէր կարող շրջանցել Իրանի տարածքը՝ կարծում է Մերձավոր Արևելքի ինստիտուտի նախագահ Եվգենի Սատանովսկին rusarminfo.ru-ին տված հարցազրույցում:
«Վերջին տարիներին մշտական ճնշում է գործադրվում Իրանի վրա այդ երկրի սահմանների ամբղջ երկայնքով: Այնտեղ աշխատում են Սաուդյան Արաբիայի հատուկ ծառայությունները, գործում են կազմակերպություններ, որոնց ֆինանսավորում է Էր-Ռիադը: Դրա հետ կապված՝ Իրանում իրավիճակն ապակայունացնելու փորձը սպասելի էր»,- ասել է Սատանովսկին:
Ահաբեկչությունն Իրանի հետ Սաուդյան Արաբիայի և նրա դաշնակիցների կրոնական պատերազմի հետևանքը դարձավ՝ կարծում է փորձագետը:
«Այդ պատերամզը վարվում է հիմնականում Սիրիայի, Եմենի, Լիբիայի, Իրաքի տարածքում, բայց, անշուշտ, պետք է սպասել, որ այն նաև կանցնի հենց Իրանի, Սաուդյան Արաբիայի և տարածաշրջանային այլ խոշոր երկրների տարածք: Այդ դեպքում տեղի ունեցող իրադարձությունները կանդրադառնան Մերձավոր Արևելքի տարածաշրջանի վրա, բայց Իրանի գործընկերների՝ Հայաստանի և Ռուսաստանի վրա՝ հազիվ թե»,- նշել է Սատանովսկին:
Ըստ նրա՝ Հայաստանի վրա միանշանակ կանդրադառնա հնարավոր իրանա-թուրքական պատերազմը՝ Թեհրանի և Անկարայի միջև կետային հակամարտությունների մեծ հավանականության պատճառով:
Իրանում ահաբեկչության պատասխանատվությունն արդեն ստանձնել է ԴԱԻՇ-ը:
