Մեծ Բրիտանիայի Hecate Verona ընկերությունը մշակել է շների համար տնակների շարք, որոնք հանդերձված են տեխնիկայի վերջին խոսքով: Դրա ստեղծման համար դիզայներներից պահանջվել է շուրջ երեք տարի: Այս մասին հաղորդում է Luxurylaunches-ը:
Շների համար տները հանդերձված են օդորակման համակարգով, ջեռուցմամբ, ներքին և արտաքին լուսավորությամբ, ինչպես նաև կերի և ջրի մատուցման համակարգերով ու կոնֆերենց կապով, որպեսզի տերը կարողանա կապվել իր շան հետ, եթե նա ժամանակավորապես բացակա է:
Հարդարման համար օգտագործվել են փայտի հազվագյուտ տեսակներ և բնական քար՝ մարմար և դոլոմիտ: Մեկ տան պատրաստման համար պահանջվում է մի քանի ամիս: Մոդելների գները սկսվում են 40 հազար դոլարից, իսկ որոշ մոդելներ կարժենան 200 հազար դոլար:
