Համաշխարհային բանկը նախատեսում է Ստամբուլում բացել Իսլամական ֆինանսական հետազոտությունների՝ ԱՄՆ-ի սահմաններից դուրս առաջին և դեռևս միակ կենտրոնը: Ինչպես հաղորդում է ITAR-TASS-ը, այդ մասին այսօր հայտարարել է Ստամբուլի Ֆոնդային բորսայի նախագահ Իբրահիմ Տուրհանը:
«Մենք նախատեսում ենք այդ մասին հայտարարել ՀԲ-ի և Արժույթի միջազգային հիմնադրամի ամենամյա ժողովին, որը տեղի կունենա հոկտեմբերին՝ Վաշինգտոնում: Մեզ համար, որպես ֆոնդային բորսայի, սա մեծ պատիվ է»,- ասել է նա և հավելել, որ այս կերպ իրենք կկարողանան վաճառել ոչ միայն ակտիվներ և արժեթղթեր, այլև վերածվել էներգառեսուրսների և այս ոլորտում համաձայնագրերի կնքման առևտրի կենտրոնի:
Բորսայի ղեկավարի խոսքով՝ տարածաշրջանը, որտեղ գտնվում է Թուրքիան, էներգետիկ մեծ պոտենցիալ ունի, հանրապետության իշխանությունները ձգտում են, որպեսզի «էներգետիկ շուկայի գները հաստատվեն Ստամբուլում»: