Կատարի իշխանություններն ապրիլին ահաբեկչական խմբավորումների գրոհայիններին մոտ 1 մլրդ դոլար են վճարել՝ Իրաքում թագավորական ընտանիքի անդամներին գերությունից ազատելու համար։ Այս մասին հայտնում է Financial Times-ը՝ հղում անելով Կատարի կառավարության և զինվորական հրամանատարության՝ իրավիճակին մոտ աղբյուրներին։
Թերթի տեղեկություններով՝ փրկագնի օգնությամբ կատարցիները ցանկացել են ազատել թագավորական ընտանիքի 26 անդամի, ովքեր Իրաքի հարավ էին ուղևորվել բազեի որսի և պատանդ ընկել ահաբեկիչներին։ Բացի այդ, միջոցներ են ուղղվել 50 մարդկանց ազատ արձակմանը, ովքեր գերի էին ընկել գրոհայիններին Սիրիայում։
Երեկ 8 երկրներ հայտարարել էին Կատարի հետ դիվանագիտական հարաբերությունները խզելու մասին՝ վերջինիս կողմից ահաբեկչության աջակցման, թշնամական քաղաքականության և արաբական երկրների գործերին միջամտելու պատճառաբանությամբ։
