Այսօր՝ Երեխաների պաշտպանության օրը, լրագրողների հետ զրույցում անդրադառնալով հարցին, թե արդյո՞ք խորհրդային շրջանի երեխաներն էին երջանիկ, թե անկախ Հայաստանի, ԱԺ փոխխոսնակ Է. Շարմազանովը նշեց. «Կարծում եմ՝ երջանկությունը չափելի միավոր չէ, եթե մարդն իր խղճի, իր Աստծո հետ հաշտ է, ուրեմն երջանիկ է: Իսկ երեխաների երջանկությունը որն է՝ ուրախ լինի, լավ լինի, ծնողները գլխին լինեն, հնարավորինս անհոգ մանկություն ունենա… Բայց բնականաբար երեխային փոքր տարիքից պետք է ռեժիմի մեջ պահել: Երեխային պետք է նաև վերահսկել, ուղղորդել և ճիշտ ճանապարհով տանել»:
Շարմազանովը նաև հավելեց, որ աղքատ երեխաների ձգտումներն ավելի մեծ են և նրանց մեծ մասն ավելի լավ քաղաքացիներ են դառնում: «Սեփական փորձից եմ ասում: Այն, ինչ օդից տրվում է քեզ, մեկ է չես գնահատում: Երեխան չպետք է ջերմոցային պայմաններում մեծանա»:
Մանրամասները՝ տեսանյութում:
